Не знам што е ама личи на Dracaena

Растениево е  малку помало од мене така да најверојатно има околу 20 години .Не се ни сеќавам од каде е дали е купено или не  .Моите го викаат Дрво на Животот  а мене ми личи на Dracаena .  Како и сите растенија од овој вид и овој не сака директно сонце , не сака премногу вода  му смета флуорот  и хлорот во водата , истата треба да биде млака , да не се претерува со  полевање . Бара умерено  топла соба што би значело некаде околу 25 степени . И така ова релативно големко растение  се шеташе од тераса  дома наесен и во обратен правец напролет се до пред 6 години  кога на татко ми му се појави  Херниа  или народски кажано кила . Оттогаш веќе  не сме во можност да  го изнесуваме   па сите бевме загрижени како  ќе ги поминува годините   бидејќи е малку подалеку од прозорот а во тоа време  беше и понизок  па светлината како да поминуваше над него .За две години се извиши  , тоа беше следено со сушење на листовите кои  беа во сенка .  Сега има огромно стебло листови само на горниот дел  ама затоа од дното тргна ново растение .  Едно малечко расте ли расте  како да трча нагоре .  Тоа му дава многу интересен изглед и кога пред  1 месец отприлика бевме во "Bonsai Garden "  мајка ми здогледа  Dracaena deremensis  Lemon  Lime  направена слично како нашево растение  и извика слична е на нашиот  само овој има жоли риги . Продавачката љубезно се сврте и  ни се обрати сте купиле сличен ? И татко ми гордо а  не нен е  самиот си израсна  после  20 тина години . Од девојката се слушна само едно  аааааа  толку е старо ! Со гордост ви го претставувам можеби најстарото растение во мојот дом