Маранта или молитвено растение

Ова реастение  го добива своето  популарно име Растение кое се моли, бидејќи во вечерните часови растението ги свива своите листови слично како и кога дланките се склопуваат за молитва . Имено ова е собно растение со големи листови кои можат да бидат двобојни , но и тробојни . Последниве имаат црвеникава нијанса во средината на листот.
Заради големите листови преферира место во сенка , заштитена од директно сонце  каде ја впива светлината со цела површина на листот . Ова растение ја обжава влажноста па затоа треба да се проверува почвата да има доволно влажност , но никако да не биде премокра .  Обожава ровка земја па затоа треба да се пресадува секоја година воглавном напролет како би се избегнало стврднување и набивање на земјата. Во однос на прихраната се прихранува  од пролет  до есен  и тоа со  добро разблажено течно ѓубриво.
Потребно е внимателно отсекување на листовите кога се поткаструва да не се оштети растението . Ова растение претставува навистина посебно убав декор во домот , со правилна нега ќе биде  присутно и  ќе го разубавува вашиот дом и повеќе години . Јас имам двобојна маранта  и тоа е само еден вид од многуте...

Нова интересна љубичица

Пред околу 7-8 месеци татко ми ми донесе 2 ливчиња на африканска љубичица и ми рече дека имале многу интересна боја нешто меѓу бордо и виолетово . Ги засадив и двете ливчиња веднаш но едното после  околу 2  месеци кога мислев дека ќе  почне да пушта ливчиња ми се исуши . За среќа другата опстана и после околу 4  месеци започна нагло да пушта нови ливчиња . Мислев дека ќе цвета некаде околу летото , но пред 2  недели ме изненади кога забележав две мали пупки . Сега има 4 убави големи цветчиња кои повеќе наликуваат на виолетово отколку на  бордо меѓутоа нивната форма за разлика од другите љубичици со еднолисни  цветчиња е многу поубава . Сеуште не ми е пресадена , дури и ми е страв тоа да го направам да не ја  изгубам па затоа ќе  чекам сосем да ја исполни саксијата па дури тогаш внимателно ќе ја пресадувам

Споредба со структурата на листовите на цветот со розовата или виолетовата љубичица тука и тука 

Љубичиците на Горде

Неодамна  една моја пријателка ми испрати фотографии од нејзините растенија . Љубичиците кои лани ми беа вишок и ги испратив токму неа . Таа дефинитивно им пружила беспрекорна нега и грижа  и оваа година ме почести  со фотографи и од нив  . Љубичиците кои  кај неа стигнаа полуовенати станале вистинки „убавици “ ,а  освен нив и другите растенија изгледаат прекрасно и весело со своите листови и  цветови што секако се должи на вниманието и грижата која таа им ги посветила

Горде благодарам за фотографиите 

Пресадена и размножена црвена детелина

Кога ни ја поклони црвената детелина жената ни рече  дека со време во коренчињата создава некакви си црвени топчиња кои потоа може да се извадат и така да се размножи . Оваа зима детелината остана надвор и не измрзна  меѓутоа бевме решени да видиме  дали навистина во коренот создава некакви си црвени топчиња и ако ги има  да ги посадиме во поголема  саксија (жардињера ) . Бидејќи тукушто беше помината зимата тоа беше крајот на март почеток на април  дел од листовите и беа овенати а свежи имаше  малку лесно ја истуривме земјата од саксијата и навистина имаше црвено - портокалови  „топчиња“ иако според мене  имаа повеќе вретенеста отколку топчеста форма . Полека ги раздвоивме  и ги посадивме во поголема саксија. Сега остануваше да чекаме да видиме дали ќе изникне нешто. Чекавме околу еден  месец кога почнаа да се појавуваат првите црвени ливчиња . Бидејќи беа многу нежни кога требаше да ја нводнуваме тоа го правевме со  прскалка зада не ги „поплавиме“ ливчињата  

Топчињата изгледаа вака :

Детелината сега малку потпорасната ,но очекувам до крајот на летото да ја исполни саксијата  изгледа вака 

Детелината минтата година изгледаше вака 

   

Безименко

Ова растение го добив пред неколку месеци на поклон од една комшивка . Едно сабајле дојде кај нас дома и го држеше  посадено во саксија . Го расадувала , па  знаејќи дека сакаме  цвеќиња  едно стебленце ни посадила . Растениево има меко стебло , поради што ако сакате да биде исправено неопходно му е стапче за потпора . Ние тоа не го  сторивме и  некако стана подгрбавено , ама  на сталажата токму таква форма и ни одговара . Искрено потребите не му ги знаев ,а  бидејќи немам појма како се вика , а името не го знаеше ни неговата претходна сопственичка немав можност ни да прочитам некаде како треба да се одгледува . Така овие  месеци експериментирав со него секако со некои мали совети од комшиката . За овие  неколку месеци открив дека сака  многу светлина , но не и директно сонце дури и листовите за многу кратко време ги врти кон неа , веројатно воопшто не е пребирлив во поглед  земјата  бидејќи беше донесен во најобична земја , а досега не е пресадуван и  добро напредува . Во поглед на наводнувањето го наводнувам исклучиво кога ќе приметам дека се исушила земјата , а тоа е на доста кратко време на околу 3-4 дена , па претпоставувам дека е љубител на многу вода .  Во поглед на температурата сега е сместен во мојот стакларник впрочем каде што и се сместени  и другите цвеќиња  зимно време , некаде на  +25степени . Искрено не знам дали цвета , но кај комшиката за време од неколку години не процветало , ама затоа има интересни зелено -жолтеникави листови заради кои и е привлечно .

Љубичицата цвета

Во еден од постовите за љубичиците напоменав дека  ја  добив на поклон , но беше болна најверојатно заради неквалитетната земја  во која беше претходно сместена . Како што и напишав тогаш  веднаш ја пресадив но поминуваа месеци и љубичицата не  се менуваше  . Немаше ниту нови ливчиња ниту нови цветови . Тогаш претпоставував дека и е потребно време на прилагодување иако беше сместена во поволни услови покрај прозор и редовно наводнувана  . Не згрешив . Иако помина летото љубичицата не почасти со цветови убави големи во средината на ноември . За мое чудо цветовите траат веќе две недели . Обично другите љубичици ми цветаат и зимно време бидејќи се во многу топло , но нивните цветови  се помали и траат 2-3 дена па се заменуваат со нови  .Оваа ме изненади .

Овде може да го видите постот каде прв пат  е објавена  љубичицата  со болни листови и цветови http://nteresenblog.blogspot.com/2010/07/update.html
( последна слика )

Бенџамин -Ficus benjamina

Бенџаминот многу често се сретнува во нашите домови како помало или поголемо растение  некаде и како цели грмови со висина од два и повеќе метри . Бенџаминот е едно најлесните растенија за одгледување . Треба да биде постојано влажен , изложен на дифузна светлина т.е индиректно сонце и да се заштити од прекумерен студ . Има еластично стебло кое со тек на годините оцврснува , па во првите години можете да го обликувате како сакате дури и да си сплетете плетенка од три стебленца . има еднобоен темнозелен малку издлжен лист , но се сретнува и варијанта со бело пребојување на листовите . Она што битно ќе ви го нагласат во секоја цвеќара е дека треба да го туширате во летните денови , некои ќе ви кажат дури и секојдневно . Она што ќе заборават  да ви кажат е дека  треба да користите дестилирана вода за секојдневно туширање бидејќи  тврдата водоводна вода ќе остави бели флеки . Дури и со бришење на листовите по повеќе години  на дрвото кое го одгледуваат моите родители   на одредени места  се појавија такви флеки . Наместо тоа и за да не биде тоа секојдневна обврска  самата си воспоставив правило кое се покажа одлично наназад веќе три години . Зимно време туширањето е комплетно исклучено , единствено внимавам земјата да биде секогаш  влажна , не  водена туку влажна , никако сосема сува . Летен период  го туширам секои 15- тина  дена кога е топло и кога ќе забележам прашина на листовите водејќи сметка да му е и време за  полевање да не биде премногу вода во саксијата . Го туширам со водоводна вода  . Потоа листовите ги бришам со книжна салфета така што не оставам капки . На тој начин годишно туширањето е сведено на 5-6 пати и во колку настанат флеки во текот на годината тие листови и ќе отпаднат . За прихрана употебувам  најобично ѓубриво за цвеќиња . Бенџаминот се размножува со  отсечени делови од растението и тоа со многу голема успешност  над 90% од исечените стебленца закоренуваат и растат . 
Заради вака лесното размножување стебленцата од  дрвото кое го одгледуваат моите родители  ги користам во обиди да направам бонсаи .Тоа почна  пред 3 години . Од тогашното сечење зедов само едно стебленце и нормално ништо не направив  . Растението не се исуши , баш напротив тоа добро напредува , но ни оддалеку не може да се рече дека има било каков облик на бонсаи .Стана само мало растение и за три години обликување може да се „пофалам“ дека тотално сум го утнала :) . Можеби со понатамошното обликување некогаш ќе заличи ....  Другите стебленца се помлади од една година па затоа ќе ги фотографирам другпат ако останат здрави и живи .

Бенџамин плетенка

Последната слика е земена од следниот сајт :
http://www.foliageunlimited.net/recommended-office-plants.htm

Бенџаминот заедно со Дракаената е  на листата на Растенија пречистувачи на воздух

Црвена детелина

Ова рестение е доста често по домовите терасите , а и на пазарите . На моите е едно од омилените. Има несекојдневен изглед . Листовите му се црвени личат на листови на детелинка само малку по косо и надолу поставени .Можеби и затоа така го добило името кај нас - латинското име на растениево не го знам .Мене листовите ми личат на пеперутки . Расте во вид на жбунче т.е од коренот тргаат неколку стебленца кои се многу кревки од кое секое завршува со ливчиња . Има мал ситен , но преубав виолетов цвет . Многу е лесна за одржување . Редовно да биде влажна никако премокра . До сега не сме ја прихранувале па не би знаела што точно да ви препорачам . Но и без прихрана нашата стана огромна .Во однос на светлината ја чуваме во сенка во најтоплите делови на денот , инаку на сонце во приквечерието и утринските часови , постојано е заштитена од ветар и никако не е изложена на дожд Еднаш ми се намокрија неколку ливчиња и целите клапнаа надолу и за неколку дена отпаднаа. Се размножува многу лесно при пресадувањето се одделува сноп од неколку стебленца со корен . Ова растение ги примамува погледите со црвениот  лист и на секој кој ќе ми стапне на тераса  погледот му  оди кај неа и прашува какво е тоа растение . Одлична е како декор меѓу зелени растенија ја разбива монотонијата на зеленило :)

Спасување на Сардела

Само една од сарделите е засадена во саксија . Немаше за неа место до прозорот па ја  ставивме долу на подот од терасата ,  за  да не биде изожена на најтоплото сонце , а над неа малку повисоко имаше сталажи на кои исто имаше цвеќиња . Беше тоа пред околу 2 месеци . Тој ден не бевме дома  , а имало невреме .Една од саксиите  паднала од  ветрот и  ја закачила  сарделата . Паднатото цвеќе не беше оштетено освен што дел од земјата излегла надвор , но затоа на сарделата и беа искршени повеќе од половина од гранчињата . Полека нив ги исчистивме и ја остававме под сенка да закрепне кога за неполна  недела  приметив пајажинки . Сите мислевме дека е готова .Остануваше последното да се проба .   Преостанатите листови  да ги истушираме и тоа го направивме најпрво со вода на собна температура а потоа со вода во која доставив малку ракија . Ја набљудував неколку дена . Не знам дали од водата дали од ракијата зашто  ова прв пат го пробав и за среќа до сега е и последен пат , пајачињата не се повторија . Но затоа листовите како да се лепеа  и некои од нив почнаа да пожолтуваат  , но имаше знаци за живот . После околу 2 недели дел од листовите паднаа , но и се гледаа нови изданоци . Тогаш почнав да ја прихранувам со најобично течно ѓубриво за собни цвеќиња . Имавме многу среќа остана жива а и  не награди со многу цветови .Обидот за спасување успеа

 Дел од цветовите веќе почнале и да овенуваат , но  има нови пупки , па овенатите набрзо ќе бидат заменети со нови цветови
 

Кимера (Chimera ) Африканска Љубичица ???

Пред некое време кога пребарував во врска  со Африканската Љубичица налетав на зборот „Chimera“ .Веднаш ме асоцираше на некаков генетски инжињеринг . Можеби заради „mission impossible “ филмот . Провртев и по you tube , жената која зборува за ваквите видови на Африканска љубичица ги нарекува Камарин Африканска љубичица , но мене повеќе ми е врежан овој поим кимера а и како таков го најдов на еден сајт , па како таков ќе го користам и тука . Мотив да  го напишам постов ми беше  љубичицата која мајка ми ми ја опиша по враќањето од гости од кај една нејзина пријателка . Ми опиша дека видела розево бела африкаснска љубичица . Тогаш ме потсети на кимерите .Мислам дека сите  кимери се двобојни (ако не сум грешка ) , но  не сите стандардни се еднобојни така да јас мислам дека не би можела да ги разликувам освен по ригите на цветовите кои се карактеристични за кимерите  . Ваквата Љубичица некој и ја поклонил . Мајка ми и побарала ливче но не добила . Не дека би се фатило и ако би се фатило којзнае дали  би излегло истото растение ,  ама би вредело да се проба чисто од љубопитност што би излегло .За тоа што се и какви се овие  Африкански љубичици најдов на еден сајт . Не би сакала да му правам промоција  бидејќи овој и продава вакви видови ама  морам да го наведам изворот :
https://www.violetbarn.com/store/index.php?_a=viewCat&catId=6_a=viewCat&catId=6&sort_by=price&sort_order=low
На следниов линк подолу се стандардни љубичици за споредба :
https://www.violetbarn.com/store/index.php?_a=viewCat&catId=4
или за да не кликате :
Стандардна Љубичица

Кимера

„What's a chimera?  According to Webster's dictionary, a "chimera" is a "living structure or organism in which the tissues are of varied genetic origin".  What does this mean?  Unlike other violets which, when propagated by leaf cuttings, will typically produce plantlets ("babies"), identical in appearance to the "mother" plant, this cannot be done with chimeras (the babies will look different than the mother plant).  Why?  because the tissues are of "different genetic origin" for each leaf, or plant part.  Instead, propagation must be done by "suckers" or "crown cuttings", which are most likely to share the same genetic properties.  This is why their price is higher--this is a more time consuming and less productive process than when done by leaf cutting.
These African violets are quite unusual, known for their "pinwheel" striped blooms or, sometimes, uniquely variegated foliage “

Што е кимера (Chimera) ? Според Webster's dictionary кимера е жива структура или организам во кое ткивата се од различно генетско потекло . Што ова значи ? За разлика од другите Љубичици кои кога се размножувани од листови ќе продуцираат растенија идентични на растението од кое потекнуваат , ова не може да се случи со кимерите (продуцираните растенија -бебиња ќе изгледаат различно од растението -мајка )  Зошто ? Бидејќи ткивата се од различно генетичко потекло за секој лист или за секој дел на растението . Размножувањето може да биде направено со цели стебленца или од круната на растението за кои е  најсигурно деќа ќе ги делат истите генетски карактеристики .Ова е зашто нивната цена е повисока . Овој процес бара повеќе  вложување на време, а е помалку продуктивен отколку кога се прави со отсечени ливчиња . Овие Африкански љубичици се доста необични и се познати по своите цветови  како велосипедско тркало или понекогаш по различните листови .

Подолу следуваат две видеа во првото се дава некакво според мене штуро објаснување за кимера (Kamarin; chimera) ,А на вторто е како да направите размножување на истите . Размножувањето може да го користите и за стандардните  на нам добро познати африкански Љубичици . На второто видео круната која тој ја добива по отсекување и ги отстранува листовите и ги засадува (што ми паѓа чудно бидејќи кимерите не се размножуваат така ), но таа може да биде директно засадена со отстранување на само 2-3 листа . Последново го имам пробувано и самата , но  на стандардна Африканска Љубичица .

Историја на Африканската љубичица

Случајно налетав на историјата за Африканската Љубичица ми фати око ја преведов и еве ја : 
Скоро секој поседува или барем има видено Африканска Љубичица . Можеби не мислите дека ова е егзотично или  возбудливо растение  ,гледајќи го како се продава насекаде . Но всушност убавата Африканска љубичица има светска историја .
На крајот од 19 век најголемиот дел од Источна Африка бил управуван од Германија и имало војска - офицери стационирано во регионот . Еден од нив бил Baron Walter von Saint Paul-Illaire кој се интересирал за ботаниката . Овие интереси најверојатно биле поттикнати од неговиот  татко  Baron Ulrich von Saint Paul-Illaire кој бил долгогодишен зашттитник на ботаничката градина во Herrinhausen  , блиску Хановер (Hanover) Германија (Germany.) . Тој исто така бил запознаен со директорот на ботаничката градина Herman Wendland.
Барон Волтер ги поставил темелите на  историјата во собните растенија во1892  кога патувал низ Африка набљудувајќи ги овие растенија . Близу Танга во Танзанија тој нашол нискорастечко растение со влакнести ,месести листови кои имале плави цветчиња . .Тој собрал неколку примероци и му ги испратил на својот татко Баронот Урлих . Tој пак ги покажал на Вендланд кој пак забележал дека тие потекнуваат од дотогаш непознат род во растителниот свет . Ги нарекол genus (род)  Saintpaulia  во чест на таткото и синот кои го поделиле своето откритие со него . Овој род  ние го знаеме по заедничкото име  Африканска Љубичица .
До сега (2005 е пишувана статијата ) има : 21 вид , 6 варијанти и 2 природни хибриди на Африканска Љубичица кои ни се познати . Интересен факт е дека секој вид има свое специфично  живеалиште во Источна Африка .Овие растенија природно не растат на ниедно друго место во светот . Овие растенија варираат во растењето формата и цветовите кои се движат од скоро бели до темно виолетови . Кој би рекол дека така уникатен член на растителниот свет ќе биде продаван за само 1.99$ во продавниците . Боите и формите кои ги гледаме денес водат потекло од оригиналните колекции и се резултат на генерации внимателно одгледување

 Сликите се превземени од :
http://www.forestryimages.org/browse/detail.cfm?imgnum=3970047
http://www.forestryimages.org/browse/detail.cfm?imgnum=3970042
http://www.forestryimages.org/browse/detail.cfm?imgnum=0011042
http://www.forestryimages.org/browse/detail.cfm?imgnum=0011004
Извор  
http://web.extension.illinois.edu/macon/palette/050109.html

Како јас пресадувам Љубичица

Љубичиците според литературата се пресадуваат напролет кога и нивниот раст е најсилен меѓутоа јас водејќи се од потребите на растението големината на саксијата ја пресадив сега во втората половина на летото иако веќе кај Љубичиците забележувам успорување на пуштањето на нови листови , а и цветовите се менуваат тие стануваат помали . Што  се однесува до техниката таа е иста  . Љубичицата  е кревко растение па може да добиете впечаток дека ви се потребни повеќе од две раце за да ја извадите од саксијата неоштетена . Најпрво ја одвојувате земјата од  саксијата со остор ноже по рабовите. Потоа со ножето полека ја избуткувате одоздола . Другата рака препорчливо е да ја ставите најдолу кај коренот и полека како што ќе попушта  цврстината на коренот да ја вадите Љубичицата од саксијата. Постои уште една варијанта ама  мене ми е прегруба . Откако сте ја одвоиле земјата од рабовите на саксијата да ја завртите наопаку и да ја извлечете ,но вака  еднаш завршив со многу скршени ливчиња и песок на другите кои после тешко се чистат , да не заборавиме листовите на Африканската Љубичица не смее да се воденат . Откако сте ја извадиле погледнете го коренот и долниот дел на листовите .Во колку кај некое ливче започнало скапување отстранете го или пак ако има можност поделете ја Љубичицата на неколку делови кои ќе ги засадите одделно . Останува да ја припремите саксијата со земја . Обогатете најобична земја со хумус  . Јас ја припремам од око . .Кога ќе засадувате водете сметка дека не е доволно само коренот да биде засаден .Внимавајте  и дел од стебленцата на сите листови да бидат во земја . Имено од три дела кои ги добив при пресадувањето едниот почна да ми скапува , па токму поради тоа  морав да го зачистам повторно да го разделам на уште два дела и повторно да го засадам ама и така веќе не е сигурно дека ќе расте . Ливчињата кои се скршиле при манипулациите со растението може да ги ставите во вода или веднаш да пробате да ги закорените . Повод покрај големината на Љубичицата да ја пресадам сега беше и нејзиното запирање на пуштањето цветови во време кога тоа не е вообичаено .
Ја пресадував оваа Љубичица

Резултатот е

И едно 10 тина ливчиња кои се ставени за закоренување .За овие две сум сигурна дека  ќе останат живи и  ќе растат .Другите  две ако останат  ќе има нареден пост за нив :)

Подарок

Завчера кога се разбудив и излегов од мојата соба прво што ми падна во очи беше затворената врата од дневната соба . Значи моите не се дома . Полека дојдов до купатилото каде се расвестував со ладната вода . Откако веќе излегов од полусонот помислив на кафе : нес кафе , обично , некакво ми се пиеше . Сепак ќе ги почекам моите можеби ќе дојдат наскоро па две ќе ми бидат многу помислив . Со чаша ладен сок се сместив пред компјутерот блог,  Facebook набрзина пролистав дали има некој нов наслов и седнав да  се подружам со книгата. По малку време го слушнав крцкањето на клучот на врата . Влегуваа моите . Мајка ми почна да вика по мене . Мислејќи дека се пренатоварени  со тоа што купувале се стрчнав да помогнам . При тоа си ја закачив ногата на бирото и рамото на вратата од мојата соба . На влезната врата стоеше мајка ми со најубавиот подарок  за мене . Цвеќе .

- Види што најдов . Чувар на куќа расцветан - ми рече
Ми подаде еден сукулент со големи , дебели , меснати листови од кои се издигнуваа снопчиња на мали црвени цветчиња . По стебленцата каде на врвот стоеја цветовите имаше листови тие беа со синкастозеленкаста боја. Занесена од неговата убавина го грабнав и излетав на тераса. Го пресадив веднаш , му најдов место на кое што има  доволно сонце , но сепак во најтоплите часови е сенка . Тогаш во очи ми паднаа листовите кои не беа збиени како што тоа беше кај другиот чувар на куќа кој го имам . Провртев на интернет не најдов растение со такви цветови , слични листови најдов , но не сосема исти ... Не бев така сигурна дека е навистина чувар .Бидејќи отприлика знам нешто за сукулентите од типот да не  им се става премногу вода и да се ставаат на топло се водев по тоа , но детаљи за ова растение во случај да не е чувар навистина не знам  Во секој случај растението е преубаво . Јас се надевам дека долго ќе ми прави друштво и ќе ми го украсува домот со преубавите цветови ,а јас навреме ќе ги сфаќам неговите потреби .
Во меѓувреме додека го дотерував постот ја видов пораката што ми ја пратил кактусар  со одговорот на моето прашање дали е чувар или не .Сепак растението е Echeveria а не Sempervivum  кој пак е чувар на куќа . Моите ги зезнала продавачката , но сепак јас сум пресреќна што добив вака убав подарок

Hoya ; Восочен цвет ; Христов венец

Се додека не наполнив 10-12  години воопшто не го сакав растениево .Тогаш прв пат го видов неговиот цвет , го почувствував неговиот мирис . Тогаш прв пат ни процвета ... Ова растение  моите дома го чуваа од незнам кога , откако јас се сеќавам на себе си , оттогаш го паметам и растението . Откако една од терасите ја приспособивме за стакларник татко ми го исече растението кое го имавме и од него зафати ново . По некое време  процвета и ме шокираше кога една вечер доаѓајќи од надвор мирисаше не само стакларникот туку  скоро целиот стан со исклучок на дневната . ..
Јас чувам бела Hoya ,а ги има во повеќе видови 
Хојата е растение со меко стебло .Тоа расте како ползавец . Може да се разлозува на жица или пак околу некое дрво кое исто така се чува по дома . Ова растение кај нас треба да се заштитува во зимските месеци од замрзнување . Растението кое јас го чувам има долг и доста тврд лист со бели дамки на неговата површина . Неговиот цвет  изгледа како чадорче на кој се наоѓаат повеќе цветчиња кои се тврди и мазни .Формата на секое цветче е со 5 агли ,како петоаголник или петокрака  .Во средниот дел овој петоаголник тој како да се испакнува и  има црвенкаста боја со бело , а во средината испушта една леплива капка која наликува на солза  ,а всушност е медовина . Кај разните видови листовите и цветовите варираат по форма големина , бојата кај цветовите и дамките  кај листовите .
Растението не е пребирливо во поглед на земја и вода .Го чувам во земја за цвеќиња повремено ја обогатуваме со хумус заради големината на саксијата и растението  кое со таква големина скоро е незвоможно да се пресади . За негово наводнување употребувам најобична водоводна вода која е отстоена .Ова растение е голем пребирливко во поглед на светлината . Тоа ужива во огромно количество  светилина  , но не  трпи сонце .Затоа  за негово одгледување како најпогодна се наведува источната страна  , но кај мене е сместено на североисток , па одлично успева . Штом ќе пушти пупки не треба да му се менува местото бидејќи истото  ќе ги исфрли .  Не е потребно да се отстрануваат сувите цветови , тие сами отпаѓаат . Цветот има пријатен , но јак  продорен мирис особено кога има многу цветови , затоа не ви го препорачувам во спалната :) . Како ѓубриво употребувам најобично наменето за собни цвеќиња со претпазливост штом ќе ги пушти пупките престанувам со ѓубрењето за да го превенирам исфрлувањето на пупките кое може понекогаш да се случи заради пребујното растење .Најлесно се размножува вегетативно со ластари кои се закоренуваат во земја или вода , па потоа се засадуваат .

Пупка

Цвет

Различни видови на хоја може да видите тука