Антуриум - Anthurium

Антуриумот е тропско растение кое потекнува од Централна Америка, Јужна Америка и делови од Карибите. Исто така e познато како Фламинго цвет поради нивната раскошна боја. Станало популарно егзотично собно растение токму поради изгледот на цветот .Некои видови антуриум се одгледуваат исклучиво поради атрактивните листови во облик на срце кои се појавуваат во различни бои, форми и шари.

Повеќето видови антуриум се епифити, кои ги прикачуваат своите корени на стеблата или гранките на дрвјата за да извлечат вода и хранливи материи. Кога имаат соодветна грижа и услови за одгледување   овие растенија ќе го разубавуваат домот во текот на  многу години. Еве како да ги одгледувате и користите во вашиот дом или канцеларија.

Пресадување: Антуриумите ќе треба да се пресадуваат на секои 2 до 3 години. Пролетта или летото се најдоброто време кога растенијата активно растат. Извадете го растението од саксијата за да ги проверите корените.

Користете нова саксија која е за 1 до 5 см поголема во дијаметар и малку подлабока од претходната саксија.

Проверете ги корените за знаци на гниење или други оштетувања.

Исечете ги оштетените делови по потреба.

Проверете ги растенијата за проблеми со штетници или болести.

Доколку новата саксија е претходно користена, исчистете ја и стерилизирајте ја пред повторна употреба.

Погрижете се да има соодветни дренажни отвори за да се исцеди вишокот вода од дното.

Поставете свежа кора или почвена подлога на дното од саксијата.

Поставете го растението на исто ниво како и во претходниот сад. Исполнете со земја

Притиснете лесно за да го шотстраните воздухот и да ја зацврстите почвата.

Наводнувајте полека додека течноста не излезе од дното на саксијата.

Потребни услови за светлина: Антуриумите претпочитаат средна до светла индиректна светлина од прозорец свртен кон исток или запад, што се совпаѓа со соодветните барања за светлина на антуриумот. Избегнувајте директна сончева светлина, која може да предизвика изгореници на листовите. Премалку светлина може да предизвика растенијата да не напредуваат и боите да избледат.

Температура: Собното растение антуриум е родено во топлите тропски региони, претпочитајќи температури помеѓу 20 и 30 степени Целзиусови. Температурите под 20 степени Целзиусови може да го оштетат зеленилото и цвеќињата. Држете ги растенијата подалеку од провев, отвори за ладење и греење ..

Почва: Бидејќи повеќето видови се епифити, почвата за антуриум треба да се состои од кора или друг груб материјал за саксии за да се обезбеди соодветна дренажа и циркулација на воздух околу корените. Користете мешавина за саксии специјално формулирана за орхидеи или универзална почва за саксии со додадена кора, тресет или перлит за да се подобри дренажата.

Наводнување: Наводнувајте откако горните 5 см од почвата ќе се исушат, користејќи метод од долу нагоре. Спуштете ја саксијата во сад со малку топла вода на собна температура 15 до 20 минути. Избегнувајте да навлегува вода на зеленилото, бидејќи може да биде проблематично

Ѓубрење: Во текот на сезоната на растење во пролет и лето, ѓубрете месечно со половина од концентрацијата со универзално течно ѓубриво за растенија. Ѓубривото за антуриум за цветни типови треба да биде побогато со фосфор за да се поттикне цветањето. Престанете со ѓубрење во есен и зима кога растот на растенијата ќе се забави .

Кастрење: За цветните типови, отстранете ги избледените цветови за да поттикнете нови цветови. Исечете ги листовите што стануваат кафеави или жолти, како и секој мртов или оштетен раст кога ќе се појави. Кога кастрите собно растение антуриум, користете ракавици за да спречите иритација на кожата од сокот.

Ви посакувам долг живот и прекрасни цветови 

Божиќен кактус во пролет

 Иако карактеристично е неговото цветање во зима поточно јануари моето растение процвета некаде во март

Божиќен кактус скоро секогаш присутен на рафтовите во продавниците пред нова година мами со преубавите најчесто виолетови цветови ,а може да биде розов ,црвен ,бел портокало

Припаѓа родот шлумбергера

Шлумбергера е мал род на кактуси со шест до девет видови кои потекнуваат од крајбрежните планини на југоисточен Бразил. Овие растенија растат на дрвја или карпи во живеалишта кои генерално се засенчени со висока влажност и можат да бидат доста различни по изглед од нивните роднини кои живеат во пустината. Повеќето видови на Шлумбергера имаат стебла кои личат на листовидни перничиња споени едно со друго и цветови кои се појавуваат од сетилните на зглобовите и врвовите 

Може да живее со децении 

Како да се одгледува ?

Сака светло но не директно сонце

Најдобро успева на температура од 15-25 степени но пред цветањето во ноќите треба да се обезбедат пониски температури со цел да имате поголеми и побројни цветови. За таа цел го чувам на тераса се додека ноќта не се спушти по 15 степени . Тогаш оди внатре на прозорецот ориентиран кон исток со сонце само во утринските часови.

. Наводнување - Не претерувајте со наводнување, Пред да ставите вода проверете со раката дека земјата е сува  Премногу вода ќе предизвика дамки на листовите и ќе предизвика корените да скапуваат. Тоа е тропски кактус, а не пустински кактус, но премногу вода ќе направи штета.

Во текот на есенските и зимските месеци треба да се наводнува помалку за да се поттикне цветањето. Внимавајте на паѓање на пупки во овој период. Паѓањето на пупки обично е показател за премногу вода.

.Ѓубрење - Ѓубрете го вашиот божиќен кактус околу 4 пати годишно

Интересно е што мојот кактус само првата година цветање за Божиќ. Следните две излегуваат преубави цветови ама во пролет. 

Секако е преубав за чување восхитување уживање .....

Маранта цвет

Ова растение за кое  пишував и во  претходниот пост  воглавно  воодушевува  со неговите прекрасни листови  кои може да бидат двобојни или тробојни . Вториве секако се многу поубави бидејќи  онаа  темно црвеникаво виолетовка боја им дава посебен шарм.
Отсекогаш сум сметала дека растение кое добро се развива и цвета  е  задоволно растение  . На мое големо изненадување марантата кај моите родители процвета .Сега за  неа се грижи мајка ми
Цветот не е ниту голем ниту  со живописни бои меѓутоа мене ме израдува . Растението кое скоро секогаш го гледав со убави листови сега имаше и цветови . Веднаш ми пројде мислата низ глава : - Ти си задоволно растение  . Ми дојде и насмевка на  устата . Бев задоволна . Цветот траеше неколку дена а потоа   почна да венее . Меѓутоа цветањето се повтори неколкупати  и секој нов цвет  ми причинуваше голема радост

Подолу ви ги прикажувам малите шармирачки  цветови  на марантата

Маранта или молитвено растение

Ова реастение  го добива своето  популарно име Растение кое се моли, бидејќи во вечерните часови растението ги свива своите листови слично како и кога дланките се склопуваат за молитва . Имено ова е собно растение со големи листови кои можат да бидат двобојни , но и тробојни . Последниве имаат црвеникава нијанса во средината на листот.
Заради големите листови преферира место во сенка , заштитена од директно сонце  каде ја впива светлината со цела површина на листот . Ова растение ја обжава влажноста па затоа треба да се проверува почвата да има доволно влажност , но никако да не биде премокра .  Обожава ровка земја па затоа треба да се пресадува секоја година воглавном напролет како би се избегнало стврднување и набивање на земјата. Во однос на прихраната се прихранува  од пролет  до есен  и тоа со  добро разблажено течно ѓубриво.
Потребно е внимателно отсекување на листовите кога се поткаструва да не се оштети растението . Ова растение претставува навистина посебно убав декор во домот , со правилна нега ќе биде  присутно и  ќе го разубавува вашиот дом и повеќе години . Јас имам двобојна маранта  и тоа е само еден вид од многуте...

Еден драг поклон Dracaena

Ова дрво на животот го добив оваа зима  на поклон за моето вселување  во новиот стан од една моја многу драга пријателка . За среќа  го погодила подвидот па не е истата како што ја имам со жолти рабови на листовите ( Dracaena deremensis ) . Ова дрвце нема рабови на листовите па мислам дека  е Dracaena  fragrans иако не сум  сосема сигурна .  До сега добро напредуваше  , се надевам  така ќе остане и натаму .  Кај мене си најде место токму како за него скроено ..... уживам да го набљудувам како си расте 

Штетници 2 (mealybugs)

Пред околу 3 недели ме очекуваше фрапантно и лошо изненадување кога се вратив од работа . Штетниците сеа беа вратиле . Малите ситни топчиња како памук ги имаше насекаде по цвеќињата . И нормално прскав со Бубакил за цвеќиња бидејќи знаев дека помага  еднаш беше испробано , но  овојпат после 3 дена немаше никакво подобрување . Кога сфатив дека станале резистентни на Бубакилот веднаш  се зафатив со истражување на интернет што поточно се овие мали „пајачиња “ . Открив дека нивното име е Mealybugs и дека тие се најдосадните паразити кои може да постојат . Тоа се мали бубачиња  кои созадаваат памучеста  пајажинеста обвивка и така се заштитуваат од инсектициди . Инаку како што е пишано во еден од постовите тие се вгнездуваат блиску до коренот каде излегуваат младите листови  исто така и  нагоре  према помладите делови на растението и на раздвојувањето на гранките и го цицаат сокот на растението . Секаде прочитав за нивната контрола но никаде за нивно истребување  што беше  разочарувачки . 

Како еден од начините на контрола се препорачува растворање на 1 лажичка течен сапун во 2 литри вода и тоа само го смалува нивниот број  или пак пребришување со концентриран алкохол со тоа што потоа да се прска со вода за да не се исушат листовите . Второво ми беше ризично па се одлучив за првото . Нормално дека не ги истребив па сега ги пребришувам секоја недела  еднаш само со вода еднаш со растворениот сапун . Исто за начин на контрола се препорачува нивно механичко симнување со силен млаз на вода што планирам да почнам да го практикувам откако ќе се затопли времето . 

Дури денес налетав на еден сајт на кој пишуваше за нивното  комплетно истребување  .За овие бубачиња постоеле други мали инсекти кои ги јаделе и во странство се купувале од одгледувачници  . Бидејќи овие инсекти летале како алтернатива се  остава да се изнесе растението надвор  за да може да дојде  бубчето „јадач“ до маливе бели паразити . Маката е што јас не ни знам дали овие инсекти постојат на нашето поднебје ама останува алтернативата да ги изнесам Љубичиците на тераса . 

Во меѓувреме  ќе ги истребувам рачно . 

Сликите подолу се превземени од интернет бидејќи зголемено ги прикажуваат штетниците 

Сликите се превземени од :http://www.sbproducts.co.uk/PestControl/Mealybug.aspx

http://apps.rhs.org.uk/advicesearch/profile.aspx?pid=201

Јорговани

Веќе 2 недели како се спремам да постирам за јоргованите .... точно тогаш ме опи мирисот на еден од нив  . До сега воопшто не бев ја забележала грмушката јоргован се  додека не процвета и започна да шири еден прекрасен мирис . Се враќав од работа во попладневните часови и тоа замислена и преуморна не приметувајќи ништо и никого  околу себе кога до мојот нос допре еден продорен мирис кој како наеднаш да ми ги отвори очите . Тогаш и ја приметив огромна грмушка јоргован и тоа виолетов . Се насмеав - пролет а од обврски скоро и да не ја забележувам . Следниот ден утрото во 6 часот по пат на кај работа го зедов апаратот со мене и направив неколку слики од тие прекрасни растенија . 

Имено јоргованот е грмушесто растение и за мое изненадување припаѓа на фамилијата маслинки . Го има во повеќе бои виолетова црвена бела и темно виолетова ( јас црвена до сега немам сретнато ) . Всушност тоа е повеќегодишно растение кое  се насадува на јавните површини или во дворовите . До сега немам сретнато во саксија . Обично примамува со неговиот јак мирис кое по мое мислење е многу поинтензивен во попладневните часови . 

Јоргованот полека прецветува и овие 2-3 дена  неговиот мирис не е јак ама кога ќе поминам покрај грмушката сеуште погледнувам кон нејзе вдишувајќи по длабоко како по навика трудејќи се да го почувствувам нејзиниот мирис кој полека ми останува во сеќавање до следната година 

Најдолу се поставени слики на некои други грмушки кои беа расцветани истовремено  , ако не знам ниту какос е викаат . Белите иако немаат атрактивен цвет мирисаа исто така преубаво .

Подолу се прикажани фотографии на други пролетни грмушки