Идеја -семчиња од околината

Се чувствува дека летото уште малку ќе почне  да ни „мафта“ за збогум до следната година . Веќе некаде почнуваат да стасуваат плодовите кои обично ја карактеризираат есента . Имам желба да израснам во саксија  некоку дрвја кои ќе можат да презимат надвор , а потоа да ги обликувам се надевам во успешно бонсаи . Бидејќи оној концепт „земи од природата“  не  се покажа како многу успешен за мене ,а  семчињата од купените плодови не р`тат бидејќи тие плодови се собрани зелени , оваа година се послужив со плодови кои ги најдов во мојата околина . Во еден од парковите забележав ситна јаболкница т.е петровка , потоа неколку грмушки кои даваа интересни црвени плодови кои наликуваат на цреши , потоа неколку шишарки од разни зимзелени дрвја и сл  . Подолу се моите досегашни собрани плодови  и неколку исчистени семчиња  ,а како  ќе доаѓа есента се надевам и на други плодови . Половината планирам да ги подготвам и да ги засадам есенва а другата половина  напролет .Идејата за есенското садење ми е да им овозможам да презимат семчињата под почва на ладно ,ова  на некој начин ќе ги симулира природните услови во кои тие се развиваат ,а ако не никне ништо ќе садам и напролет .Па од сето тоа ќе видиме што ќе испадне бидејќи се се базира на моите идеи ништо вакво досега не сум пробувала ...   .Бидејќи не очекувам голем процент да никнат ќе  биде добро ако  израсне по едно од секој вид од многуте семчиња

Украсно пиперче - начин на чување

Како што споменав во еден од моите претходни постови  овде ќе пишуваме за начинот на чување на  Украсното пиперче . Ова растение воопшто и не бара некоја посебна грижа , толку е едноставно а и за кратко време ќе ве награди со своите плодови . Грижата за неговото чување се разликува во зависнот од тоа дали сте го засадиле самите од семче  или сте го купиле како веќе израснато растение .
Најпрво е потребна саксија со добра дренажа. почвата која ќе ја користите  може да биде најобична земја за цвеќе ако решите самите да припремате  измешајте малку хумус  (една -две шаки) со најобична  земја и ќе биде доволно .  Ако се работи за семе  и откако ви изникнало растението тоа е многу кревко . Најдобро ќе биде  откако  ќе  има 10 цм во саксијата да ставите мало дрвце и полека со конче да го врзете ,но никако стегнато . Тоа ќе му даде потпора бидејќи ваквото растение брзо ќе се скрши. Се додека е младо и кревко потребно да го засолнувате од умерен или силен  ветер и дожд зашто и тоа може да доведе до негово кршење .
Можете да го чувате на сонце . Ова растение  сака сонце , но  ако сметате дека деновите  се премногу топли и земјата многу се загрева во најтоплите часови можете на кратко 2-3 часа да го засолните  на место кое не е  изложено на  директно сонце .
Растението покрај сонце сака и вода . Не е  пребирливо во поглед на водата можете слободно да го наводнувате со водоводна вода .Препорачливо е таа да биде отстоена. . Наводнувањето може да биде потребно секој ден особено во топлите месеци за што ќе одлучите врз основа на сувоста на земјата и изгледот на листовите .  Кога растението сака вода веднаш се забележува дека листовите му се навалени (клапнати) . По наводнувањето за  кратко време неполни 15 мин тие ќе се исправат . Во летните периоди наводнувањето се врши тогаш кога саксијата нема да биде топла ( рано насабајле или касно навечер ) Растението може да процвета рано уште првата година кога е кревко зашто исто така треба да се води сметка особено ако дојде до формирање на плод . Плодот ќе биде тежок и може да го скрши. Не го отстранувајте плодот доволно ќе биде да го потпрете некако на веќе поставеното стапче за прицврстување на  растението . Првите цветови му се појавуваат некаде мај- јуни месец и продолжува неговото цветање некаде до септември иако во меѓувреме веќе се формираат плодови .За да се формираат плодовите не е потребна никаква грижа освен да е на отворено каде инсектите или лесното ветре  самите ќе извршат оплодување на цветот .
Од  почетокот на формирањето на плодот тоа се мали зелени топчиња кои полека ќе преминуваат во портокалови и се повеќе  ќе натежнуваат тогаш му е потребно да не се изнесува на силен ветер .
За прихранувње доволно е течно ѓубриво  како за  собни растенија јас користам такво иако можете да користите и  ѓубриво во вид на кристали  ама  со ова треба многу претпазливо бидејќи и мала количина од кристалите  може да го убие растението .
Зимно време на растението му треба топла росторија некаде околу 18 степени отприлика  иако јас го чувам и во потопло и одлично е приспособено . Ако зимно време го чувате како мене  во топло бидејќи немам многу избор може да цвет аи тогаш ама тие цветови ретко или скоро никогаш не преминуваат во плодови.
Со ова растение може  уште додека е младо да се соочите со штетници од типот на бели вошки или мали пајачиња  кои набрзо ќе создадат мрежа и ќе го убијат растението .Затоа е потребно набљудување . Штом забележите и најмали промени по листовите особено ако се работи за пајажинки според моето искуство е најдобро  најпрво да го истуширате расттението под  млаз вода и потоа да ги отстраните пајажинките . Ако убаво сте го измиле би требало пајачињата да ги нема .При туширањето може да отпаднат плодови листови и цветови , но во случајот ова е споредно придржувајте ги само гранките  да не се испокршат . Листовите избришете ги со солфетки. Ако после 2-3 дена почнат да се појавуваат пајажинки мора да одберете инсектицид . Јас користам бубакил бидејќи истиот е неотровен за топлокрвните животни и луѓето но меѓутоа истиот може да остави бели флеки по листовите кои  не исчезнуваат .Друг инсектицид не сум пробала  . Истиов исектицид го решава и проблемот со белите вошки .
Ако растението е купено и поголемко прво што треба да направите е да ја видите земјата и количината на водата . Обично местата од каде купувам цвеќиња  истите ги чуваат во очајна земја и преплавени во вода и јас одма ги пресадувам но ако задоволува земјата тогаш можете да го оставите во истата да се адаптира . Доволен стрес му е што го сменил местото на престој . За да почне да се приспособува ќе му треба околу една  недела

На сликата е едно младо пиперче

Двете заедно младо и старо :)

Украсно пиперче

Ова растение е всушност зеленчук но заради неговите мали димензии  се одгледува и како собно растение на пример кај мене дома. Во нашата култура токму oваа сорта ( мали тркалезни портокалови )од овој вид на  зелечук (пиперка ) не сум сретнала да се  конзумира .
Растениево го чувам дома повеќе од 10 години . Го засади татко ми од некакво си семе ни сама не знам од каде го набави . Во текот на годините формираше кора на стеблото и сега изгледа како мало дрвце - вистинско бонсаи растение иако всушност не е дрво туку пиперка . Се одликува со мали зелени ливчиња долгнавести по форма .Цветот како и кај секоја пиперка му е бел .Плодот се формира како топчест по форма и полека нараснува .Бојата ја менува од зелена во пороткалова и таков изгледа кога е созреан . Потоа почнува да се скврчува и суши  и како таков може да  се искористи за семе .

 

Овде е пред кроење . Мислам дека добро се забележува двојното дебело стебло и првите дебели гранки . 

Оваа слика пак е направена во октомври месец . На истава можете да ги забележите плодовите и мојот папагал како ужива да се качува по него .

Ова  растение сега изгледа вака  :

 Коренот веќе почнува да излегува на површината што дава можност истиот да биде нагласен и обликуван .

Зрел плод  отприлика изгледа вака : 

Плодот внатре изгледа вака  :

Ова растение е дефинитивно еден интересен примерок посебно додека го гледате како  му зреат плодовите .