Прошетка за втори

Денес не бевме воопшто некаде далеку на излетничките места  .  Најверојатно веќе ни се смачи секоја година некаде на излет со  скарите и сендвичите . Денес навистина сакавме да поуживаме ,да се прошетаме  ... Отидовме во градскиот парк . Таму милина за уши ... немаше многу луѓе па птиците со нивното црцорење доминираа . Пролетно , зелено , преубаво изгледаше иако езерцето не е исчистено што навистина ме нервира и водата во каналот не е пуштена насекаде и не е наполнет  колку што треба  .Вистинска оддишка  од улиците кои ги поминувам секој работен ден од колите нивното брмчење и свирење  . Ја посетивме и зоолошката е таму беше многу пораздвижено . Животните беа надвор се разладуваа ,некои се печеа , некои трчкаа по храната  што им ја нудевме секако купена од зоолошката  , а некои беа вонемирени претпоставувам заради вревата која ја  предизвикуваа децата  

Кутрево го сретнавме во паркот беше многу пријателски расположено ...

Слики од зоолошката нема бидејќи на картите пишува снимањето е дозволено само за приватни пореби ...а за се друго да се разговара со управата ...

Проблем со сликите

Сликите не ми се прикажуваат заради ажурирање на фотобукет . Само 2% од корисниците  го имаат овој проблем и јас  морав да бидам баксузот . До утре наутро  по американско време веруваат дека ќе се среди , ама веруваат ,а не ветуваат . Живи глупости .Ако не средат ќе треба да го менувам сервисот :( , не ми се ни помислува на ова   Подолу линк до оригиналната  објава од нивната фејсбук страна  :( 

Photobucket

Hey everyone, unfortunately our maintenance is going to take longer than expected. That means about 2% of you may have trouble with your accounts until sometime tomorrow morning (US time). We're hard at work getting things going and we appreciate your patience!

Најубавото изненадување за 8 ми Март

За денот на жената се опоравував .... со други зборови не можев да одам многу освен низ дома и тоа не подолго од неколку минутки  и сакала -несакала бев прикована за телевизорот . Ги гледав сите анкетирања прифаќања и неприфаќања на празникот идеите за прославување по кафани и сл . Ми текна дека низ годините наназад  се помалку сретнував луѓе кои купуваат цвеќе ,  сите  земаа нешто практично вазни , чаши , сервиси . А не знам зошто и не знам од каде тој ден ми беше секогаш за подарувње цвеќе , можеби дека како деца само тоа им подарувавме на нашите мајки . Свежо цвеќе собрано од тревниците или  откинато од некој двор . Бидејќи во текот на денот освен да размислувам ништо друго не можев да правам , почнав да мислам што би добила за  8 ми  Март . Сега сум мажена  веќе ја нема двосмисленоста  за девојчиња/девојки не бил празникот и слично .... Повторно почнаа да ми се редат слики на цвеќиња. Можеби нешто со цвет или некое дрво . Не , не  дрва имам веќе неколку , нема место за нив . Ми текна дека одамна се наканував да си купам сукулент -долар и се кога ќе дојдеше ред на него се парите ми притребуваа за нешто друго . Хммм што би било кога би му текнало на нешто  такво , би било супер таман со преселувањето ќе го пренесам во новото дома , ќе го ставам покрај прозор и тоа на југоисток . Таму има совршен прозор и тераса за одгледување цвеќиња . Претпоставував дека ќе биде цвеќе бидејќи знае колку сакам цвеќиња ... Вечерта дојде маж ми со две цвеќиња во рацете едното за мајка ми иако мислам дека му беше јасно дека и двете ќе ги присвојам . Едното цвеќе беше сукулент мислам дека е долар ,а ако не е многу личи на него и прекрасно изгледа а другото кактус кој го немам . Дефинитвно најубавото  изненадување за 8ми Март  . Е после радоста долго време чекаа да бидат пресадени , но штом „застанав убаво на нозе“ ... подолу на сликите се пресадени и малку потпораснати

Цветчето на катусот е вештачко 

Мило мое ти благодарам со тебе секој ден ми е посебен 

Пролетно

Искрено не познавам човек кој не ја обожава пролетта . Кога се се размрдува и живнува . Пред некој ден фатив неколку  фотографии на една прошетка каде дел од дрвјата  веќе разелениле , а другите сеуште никако да се „разбудат “ ,  а  деновиве веќе почнав да ги набљудувам температурите  и се подготвувам да ги пренесам дел од цвеќињата надвор .

Уживајте во секој пролетен ден  :) 

Безименко

Ова растение го добив пред неколку месеци на поклон од една комшивка . Едно сабајле дојде кај нас дома и го држеше  посадено во саксија . Го расадувала , па  знаејќи дека сакаме  цвеќиња  едно стебленце ни посадила . Растениево има меко стебло , поради што ако сакате да биде исправено неопходно му е стапче за потпора . Ние тоа не го  сторивме и  некако стана подгрбавено , ама  на сталажата токму таква форма и ни одговара . Искрено потребите не му ги знаев ,а  бидејќи немам појма како се вика , а името не го знаеше ни неговата претходна сопственичка немав можност ни да прочитам некаде како треба да се одгледува . Така овие  месеци експериментирав со него секако со некои мали совети од комшиката . За овие  неколку месеци открив дека сака  многу светлина , но не и директно сонце дури и листовите за многу кратко време ги врти кон неа , веројатно воопшто не е пребирлив во поглед  земјата  бидејќи беше донесен во најобична земја , а досега не е пресадуван и  добро напредува . Во поглед на наводнувањето го наводнувам исклучиво кога ќе приметам дека се исушила земјата , а тоа е на доста кратко време на околу 3-4 дена , па претпоставувам дека е љубител на многу вода .  Во поглед на температурата сега е сместен во мојот стакларник впрочем каде што и се сместени  и другите цвеќиња  зимно време , некаде на  +25степени . Искрено не знам дали цвета , но кај комшиката за време од неколку години не процветало , ама затоа има интересни зелено -жолтеникави листови заради кои и е привлечно .

Кактус човече

Ова мало кактусче иако треба да е во мирување ,најверојатно заради високите температури во мојот стакларник си расте . Го забележав денес дека се издеформирало т.е попримило чудна форма на човече со рашиерни раце .Барем мене така ми личи . Освен тоа и уште еден кактус со изданоците кои ги пушта добива чудна форма . Тој е на последната слика  :)

Едната „рака“ е во сенка

Овде мислам се забележува поубаво 

Кактусот со чудни мали изданоци

Вештачки цвеќиња

Не сум некој нивен голем љубител ,но ги добив на поклон за свадбата . Боите им се интересни . И покрај тоа што на прв поглед се  навистина убави не ми се допаѓа  што не растат и не е потребна никаква грижа за нив.  Јас сум од оние кои навстина уживаат да ги гледаат промените - растењето, цветањето, паѓањето на цветовите и.т.н